Hikmət Hacıyev Kəlbəcərdəki mina partlayışı ilə bağlı paylaşım etdi
Minalar həm insanlar, həm də heyvanlar üçün təhlükə yaratmağa davam edir.
Bu barədə Azərbaycan Prezidentinin köməkçisi ‒ Prezident Administrasiyasının xarici siyasət məsələləri şöbəsinin müdiri Hikmət Hacıyev "X" sosial şəbəkəsindəki hesabında yazıb.
"Bu dəfə Kəlbəcər dağlarında Ermənistanın işğal dövründə quraşdırdığı piyada əleyhinə minanın qurbanı it olub. Xoşbəxtlikdən, Azərbaycan hərbi həkimlərinin operativ müdaxiləsi onun həyatını xilas edib", ‒ deyə H.Hacıyev yazıb.
O vurğulayıb ki, 2020-ci ildən bəri Ermənistanın quraşdırdığı minaların qurbanı 400-dən çox Azərbaycan mülki şəxsi və hərbçisi olub.
"Bundan əlavə, illər boyu torpağın altında qalan minalar torpaq eroziyasına səbəb olur və yerli bitki örtüyünü məhv edir", ‒ deyə o əlavə edib.
#Hikmət Hacıyev teqi istifadə olunub
- Ermənistanda türklərə qarşı düşmənçilik yenidən qızışdırılır? | BİZDƏN NƏ DANIŞIRLAR?
- Hikmət Hacıyev ABŞ nəşrinə müsahibə verib - Baku TV
- "ABŞ ilə münasibətlərimizə zərbə vuranlar..." | Hikmət Hacıyevdən mühüm açıqlamalar - Baku TV
- Hikmət Hacıyevdən Qəzzaya sülhməramlıların göndərilməsi məsələsi ilə bağlı açıqlama - Baku TV
- Hikmət Hacıyevdən paylaşım | Pokrovsk niyə önəmlidir? | Ukrayna üçün həlledici gün - YENİ BİR SƏHƏR
