İlham Əliyev Benyamin Netanyahunu təbrik etdi

Prezidenti İlham Əliyev İsrailin Baş naziri Benyamin Netanyahuya təbrik məktubu ünvanlayıb.

Məktubda deyilir: “Biz tarixən dostluq və qarşılıqlı anlaşma şəraitində yaşamış xalqlarımızın iradəsindən qaynaqlanan Azərbaycan-İsrail münasibətlərinə xüsusi əhəmiyyət veririk. Ötən otuzillik dövr ərzində qarşılıqlı etimad və dəstək kimi möhkəm təməllər üzərində qurulmuş dövlətlərarası əlaqələrimizin yüksələn xətt üzrə inkişaf edərək hazırkı səviyyəyə çatması məmnunluq doğurur. Ölkələrimiz arasında münasibətlərin təşəkkülündə və inkişafında Sizin xidmətləriniz böyükdür”.

Məktubda qeyd edilib ki, bu ilin noyabrında Azərbaycanın İsraildə səfirliyinin təsis edilməsi barədə qərar qəbul edilib. Səfirliyimizin açılmasının Azərbaycan-İsrail münasibətlərinin inkişafına töhfə verəcəyindən əminlik ifadə olunub.

Prezident İlham Əliyev Yeni il münasibətilə də İsrail xalqına əmin-amanlıq arzu edib.