İlham Əliyev bölgələrə səfər edib

Prezidenti İlham Əliyev Cəlilabad rayonunda olub. Dövlət başçısı Cəlilabad Dövlət Peşə Təhsil Mərkəzinin açılışında iştirak edib.

Elm və təhsil naziri Emin Əmrullayev İlham Əliyevə mərkəzdə yaradılan şərait barədə məlumat verib. Dövlət başçısı Cəlilabad Dövlət Peşə Təhsil Mərkəzində yaradılan şəraitlə tanış olub.

İlham Əliyev Füzuli rayonunda da olub. Ölkə başçısı 1-ci texniki dərəcəli Əhmədbəyli-Füzuli-Şuşa avtomobil yolunun Füzuli Beynəlxalq Hava Limanına qədər olan 27 kilometrlik hissəsinin tikintisi ilə tanış olub.

Azərbaycan Avtomobil Yolları Dövlət Agentliyinin İdarə Heyətinin sədri Saleh Məmmədov dövlət başçısına görülən işlər barədə məlumat verib. Bildirilib ki, işğaldan azad olunan ərazilərin yenidənqurulması və bərpası layihəsi çərçivəsində Əhmədbəyli-Füzuli-Şuşa avtomobil yolunun layihələndirilməsi və tikintisi sürətlə davam etdirilir.

İlham Əliyev həmçinin Xocalı rayonunun işğaldan azad edilən Çanaqçı və Sığnaq kəndlərində olub.