İlham Əliyevdən Ermənistana 8 kənd mesajı

Azərbaycanlı ekoaktivistlər və vətəndaş cəmiyyəti üzvlərinin Şuşa-Xankəndi yolundakı etirazları təkcə separatçıların deyil, həm də bəzi beynəlxalq güclərin gözünə batır. Bu ərazilərdə yaşananlara lal, kar, kor qalan Avropa ölkələrinin bölgəyə reaksiyası da elə bundan uzağa getmir, çünki onlar heç bir hadisəyə obyektiv reaksiya verə bilmir.

Ərazidə heç bir humanitar böhrandan söhbət getməsə də, bununla bağlı beynəlxalq ictimaiyyətə kifayət qədər sübutlar təqdim olunsa da, nədənsə qərəzli yanaşmalarında israrlı görünürlər. Bu cür qeyri-adekvat münasibət sərgiləyən ölkələrdən biri də Fransadır. Bir müddət öncə bu ölkənin rəhbəri Emanuel Makron Laçın yolunda yaşananlarla bağlı Prezident İlham Əliyevə zəng edib. Dövlət başçımız həmkarına bölgədə yaranan vəziyyətin real mənzrəsini təsvir etməklə yanaşı, hələ də 8 kəndimizin Ermənistanın işğalında qalmasını diqqətə çatdırıb.

Azərbaycanın 8 kəndinin ermənilərin işğalında qalması faktını ölkənin birinci şəxsinin yenidən gündəmə gətirməsi isə ağıllarda bir sıra suallar doğurur. Maraqlıdır, bu məsələ qarşıdakı günlərdə Azərbaycan üçün əsas priotitet ola bilərmi?