Pleyeri seçin:
“İtaliya ilk dost ölkələrdəndir ki...” | Bakı-Roma əlaqələri hansı sahələrdə inkişaf edib? - Baku TV
"İtaliya Orta Dəhliz üçün Avropada mühüm logistik mərkəz ola bilər".
Bunu energetika naziri Pərviz Şahbazov Bakıda keçirilən Azərbaycan–İtaliya İqtisadi Əməkdaşlıq üzrə Hökumətlərarası Komissiyanın 6-cı iclasında çıxış edərkən bildirib.
Nazir qeyd edib ki, son illərdə Azərbaycanla İtaliya arasında əlaqələr nəqliyyat, turizm, kənd təsərrüfatı, qida təhlükəsizliyi, minatəmizləmə və digər sahələrdə də sürətli inkişaf edir:
“Made in Italy” brendinin ölkəmizdə geniş təmsil olunması və “C-27J Spartan” tipli hərbi nəqliyyat təyyarələrinin gətirilməsi, ötən il AZAL tərəfindən Milan istiqamətində 334 uçuşun həyata keçirilməsi, İtaliya vətəndaşlarının 89,5 faizinin Azərbaycana turizm məqsədilə gəlməsi bunun bariz nümunələridir".
Pərviz Şahbazov onu da əlavə edib ki, İtaliya azad edilmiş ərazilərdə yenidənqurma işlərinə və enerji infrastrukturunun qurulmasına cəlb olunan ilk dost ölkələrdəndir.
Kopyalandı
#İtaliya teqi istifadə olunub
Seçilmişlər
