Qondarma rejimi ləğv edən fərman yenidən gündəmdə | Sənəddə nələr qeyd olunub? - Baku TV

Ermənistanda Qarabağdakı keçmiş separatçı rejimlə bağlı iddialar yenidən müzakirə olunur.

Qarabağda fəaliyyət göstərmiş qondarma rejim 2023-cü il sentyabrın 28-də özünü buraxdığını elan edib. Həmin vaxt separatçı rejimin rəhbəri Samvel Şahramanyan bütün dövlət qurumlarının və təşkilatlarının ləğvi barədə fərman imzalayıb.

Sənəddə qeyd olunub ki, 2024-cü il yanvarın 1-nə qədər qondarma rejimin tabeliyində olan bütün dövlət qurumları və təşkilatlar ləğv edilməli, rejim fəaliyyətini dayandırmalıdır.

Şahramanyanın imzaladığı sənəddə həmçinin Qarabağ əhalisinin Azərbaycanın təqdim etdiyi reinteqrasiya şərtləri ilə tanış olması nəzərdə tutulub. Sənəddə bu qərarın ağır hərbi-siyasi vəziyyət, insanların təhlükəsizliyinin və həyati maraqlarının təmin edilməsi zərurəti ilə bağlı qəbul edildiyi bildirilib.

Beləliklə, üç il əvvəl imzalanan sənəddə Qarabağdakı qondarma rejimin fəaliyyətinə xitam verilməsi açıq şəkildə qeyd olunub.