İtkin düşmüş şəxslərlə bağlı hansı qərar verildi? | Vacib razılığın detalları açıqlandı

Azərbaycan və Ermənistan itkin düşmüş şəxslərin birgə axtarışı barədə razılığa gəlib.

Bu barədə jurnalistlərə Ermənistan Milli Təhlükəsizlik Xidmətinin direktoru Armen Abazyan məlumat verib.

Bundan əvvəl Ermənistan Milli Təhlükəsizlik Xidməti əsir, girov və itkin düşmüş şəxslərlə bağlı Ermənistan və Azərbaycan komissiyalarının nümayəndələrinin iclas keçirdikləri barədə məlumat yayıb.

“Bəli, görüş baş tutub. Bu, ikinci görüşdür. İtkin düşmüş şəxslərin taleyi və mümkün axtarış tədbirləri ilə bağlı məsələlər müzakirə olunub. Bu işin davam etdirilməsi ilə bağlı ilkin razılıq əldə olunub. Görüşü müsbət qiymətləndirirəm. Mən vaxt çərçivəsini deməyəcəyəm, lakin birgə əməliyyat-axtarış tədbirlərinin aparılması ilə bağlı ilkin razılıq var”, – deyə Abazyan bildirib.