Kemi Sebanı 30 illik həbs edəcəkdilər, ortaya çıxdı ki... | Fransa məqsədinə çatmadı

Fransada həbs edilən Afrika xalqlarının hüquqları uğrunda mübarizə aparan fəallardan biri kimi tanınan Kemi Seba azadlığa buraxılıb. Bu da o deməkdir ki, Fransa Afrika xalqlarının hüquqları uğrunda mübarizəni boğa bilməyib.

Bu barədə “Report” İnformasiya Agentliyi məlumat yayıb.

Maraqlıdır ki, Kemi Seba Parisdə polis əməkdaşları tərəfindən yox, məhz elə Fransa xüsusi xidmət orqanları tərəfindən saxlanılıb.

Xarici ölkələrlə əməkdaşlıqda ittiham edilən K.Sebanı 30 ilədək həbs gözləyirdi. Lakin məhkəmədə bununla bağlı hər hansı fakt sübuta yetirilməyib.

Qeyd edək ki, K.Seba oktyabrın 15-də Fransa xüsusi xidmət orqanları tərəfindən Parisdə həbs edilib. Sözügedən fəal Afrikanın müstəqilliyi və suverenliyi uğrunda hərəkatın simvolik liderlərindən biri kimi tanınır və neokolonializmlə mübarizədə fəal iştirak edir. O həm də Fransa neokolonializminin əsas tənqidçilərindən biridir.