Lavrov Bakı-İrəvan razılaşmasını belə şərh etdi | Diqqətçəkən açıqlama

“Ermənistan və Azərbaycanın ABŞ-də əldə etdiyi razılaşma qonşularımızın suveren hüququdur”.

Bu sözləri Rusiyanın xarici işlər naziri Sergey Lavrov deyib.

Qeyd edək ki, Azərbaycan Prezidenti İlham Əliyev, Ermənistan Baş naziri Nikol Paşinyan və ABŞ Prezidenti Donald Tramp avqustun 8-də Birgə Bəyannamə imzalayıblar. ABŞ bununla Ermənistan və Azərbaycan arasında sülhün paraflanmasına şahidlik edib.

ATƏT-in Minsk qrupunun bağlanması ilə bağlı birgə müraciət imzalanıb. Regionda və onun qonşuluğunda dövlətlərin suverenliyi, ərazi bütövlüyü və yurisdiksiyasına hörmət əsasında sülhün, sabitliyin və rifahın təşviqi üçün iki ölkə arasında ölkədaxili, ikitərəfli və beynəlxalq nəqliyyatın təmini məqsədilə kommunikasiyaların açılmasının əhəmiyyəti təsdiqlənib.

Bu səylər Azərbaycanın əsas hissəsi və onun Naxçıvan Muxtar Respublikası arasında maneəsiz bağlantını və Ermənistan üçün beynəlxalq və ölkədaxili bağlantılar üzrə qarşılıqlı faydaları ehtiva edir. “Beynəlxalq Sülh və Rifah naminə Tramp Marşrutu” razılaşdırılıb.