Medvedevdən Paşinyana sərt mesaj: Paşinyanın aqibəti necə olacaq?

Rusiya Təhlükəsizlik Şurasının sədr müavini Dmitri Medvedev Qarabağda vəziyyətin gərginləşməsini şərh edib.

O, bu barədə “Telegram” kanalında paylaşım edib:

“Bir dəfə qardaş ölkədən olan həmkarlarımdan biri mənə dedi: “Yaxşı, mən sizə yad adamam, məni qəbul etməyəcəksiniz”. Mən isə cavab verdim: “Biz tərcümeyi-hala deyil, hərəkətlərə önəm verəcəyik”. Daha sonra o, müharibəni uduzdu, amma möcüzəvi bir şəkildə yerində qaldı. Sonra məğlubiyyətə görə Rusiyanı günahlandırdı, daha sonra NATO ilə “flirt” etmək qərarına gəldi. Ancaq arvadı isə cəsarətli addım atırmış kimi peçenye ilə düşmənlərimizi ziyarət etməyə getdi. İndi tapın görək onu hansı aqibət gözləyir”.

Qeyd edək ki, Ermənistanın Baş naziri Nikol Paşinyan Rusiya sülhməramlılarından Qarabağda vəziyyəti sabitləşdirmək üçün hərəkətə keçməsini gözləyir. O, canlı yayım zamanı bunu dilə gətirib. Bildirib ki, Ermənistan Qarabağdakı vəziyyətə görə Azərbaycanla hərbi əməliyyatlara başlamaq niyyətində deyil.