Mirzoyandan Azərbaycanla bağlı açıqlama | "Bir-birimizin əraziləri ilə hərəkət edəcəyik"

“Ermənistanın Azərbaycanın əsas hissəsi ilə Naxçıvan Muxtar Respublikası arasında açılacaq yol üzərindəki suverenliyi Azərbaycan və Amerika Birləşmiş Ştatları tərəfindən tanınır”.

Ararat Mirzoyan müsahibəsində “Tramp Marşrutu” layihəsi barədə də məlumat verib.

O qeyd edib ki, söhbət təkcə keçidlərdən yox, həm də Azərbaycanın materik hissəsini Naxçıvan Muxtar Respublikası ilə birləşdirməkdən gedir:

“Razılaşma iki ölkə arasında bütün nəqliyyat kommunikasiyaları və infrastrukturların açılmasını təmin edir. Biz Azərbaycan dəmir yollarına çıxış əldə edirik, Azərbaycan isə bizim dəmir yolumuza. Hər şey adi qonşular kimi olacaq. Bir-birimizin əraziləri vasitəsilə hərəkət edə biləcəyik. Bu barədə razılığa gəlmişik. İdarəetmə isə Ermənistan-Amerika konsorsiumu tərəfindən həyata keçiriləcək. Əlbəttə, xidmət göstərmək üçün podratçılar da cəlb edilə bilər, həmin şirkətlər qarşılıqlı razılaşma ilə seçilməlidir”.

A.Mirzoyan həmçinin qeyd edib ki, potensial seçiləcək şirkət həm Ermənistan, həm də ABŞ tərəfindən təsdiqlənməlidir.

“Əməkdaşlığa açığıq, bir çox ölkələrlə işləyə bilərik. Heç kəsi istisna etmirik, amma bəzi ölkələrin müraciətləri rədd edilə bilər”, – deyə o əlavə edib.