Naxçıvanda Türkiyənin Demokratiya və Milli Birlik Günü qeyd olundu - Baku TV

Türkiyənin Naxçıvandakı Baş Konsulluğunda 15 İyul – Türkiyənin Demokratiya və Milli Birlik Günü qeyd edilib.

Mərasimdə Muxtar Respublikanın rəsmi şəxsləri, ictimaiyyət nümayəndələri iştirak ediblər.

Tədbirdə çıxış edən Türkiyənin Naxçıvandakı baş konsulu Asip Kaya qeyd edib ki, Türkiyə demokratiya uğrunda qələbənin onuncu ildönümünü qeyd edir.

O bildirib ki, mənfur çevriliş cəhdi türk millətinin qanunun aliliyinə və ölkənin demokratik təsisatlarına sadiqliyini nümayiş etdirən daha bir qəhrəmanlıq dastanı ilə nəticələnib. Vurğulanıb ki, 15 iyul gecəsi qardaş Azərbaycan da bu xəyanəti qətiyyətlə qınayaraq Türkiyənin yanında olub.

Çıxışlardan sonra 15 iyul dövlət çevrilişi cəhdinin qarşısının alınması zamanı şəhid olanların xatirəsinə həsr olunan videomaterial nümayiş etdirilib.

Tədbirin sonunda Türkiyənin Demokratiya və Milli Birlik Günü ilə bağlı sərgiyə baxış keçirilib.