Naxçıvanla bağlantının yaradılması işi davam edir | Nazir Zəngəzur dəhlizindən danışdı

“Zəngəzur dəhlizi 2020-ci ildə imzalanmış bəyanatda öz əksini tapıb və burada Ermənistanın Azərbaycanın qərb bölgələri ilə, Naxçıvan Muxtar Respublikası ilə məhdudiyyətsiz əlaqələrin yaradılması öhdəlikləri var”.

Bunu xarici işlər naziri Ceyhun Bayramov jurnalistlərə açıqlamasında deyib.

“Əfsuslar olsun ki, 4 ilə yaxın gedən proseslər öz nəticəsini verməyib. Ermənistandan fərqli olaraq bölgədə dayanıqlı kommunikasiyanın yaradılması, işğaldan azad olunmuş ərazilərin iqtisadi potensialının tam inkişafını təmin etmək məqsədilə Azərbaycanın əsas ərazisi ilə Naxçıvan Muxtar Respublikası arasında bağlantının yaradılması istiqamətində işlər dayanmır, davam edir”, – deyə C.Bayramov bildirib.

O, Zəngəzur dəhlizi məsələsinin gündəmdə olduğunu qeyd edib:

“Həm Ermənistan sərhədinə çəkilən dəmir yolu yaxınlaşır, həm Araz çayı üzərində İran ərazisinə körpü tikintisi sürətlə davam edir. Bir neçə alternativlər üzrə də işləyirik”.