Netanyahu Ceyhun Bayramovla görüşdü

İsrailin Baş naziri Benyamin Netanyahu Təl-Əvivdə Azərbaycanın xarici işlər naziri Ceyhun Bayramovla görüşüb, onu səfirliyin açılması münasibətilə təbrik edib.

Bu barədə Azərbaycan XİN məlumat yayıb. Benyamin Netanyahu ilk olaraq Prezident İlham Əliyevə öz salamlarını çatdırmağı xahiş edib. Azərbaycana səfərlərini məmnunluqla xatırlayıb.

Tərəflər Azərbaycan və İsrail arasında ikitərəfli və çoxtərəfli əməkdaşlıq, eləcə də regiondakı vəziyyət ətrafında fikir mübadiləsi aparıblar.