Ombudsmanlar Ağdamda erməni cinayətləri ilə bağlı faktlara şahidlik etdilər

“İqlim dəyişikliyi və insan haqları mövzusunda keçirilmiş Bakı Beynəlxalq Forumuna qatılan 50-yə yaxın ölkənin insan hüquqları üzrə müvəkkilləri Ağdamda olub”.

Bunu “İqlim dəyişikliyi və İnsan Hüquqları: Ombudsman və Milli İnsan Hüquqları İnstitutlarının rolu” mövzusunda Ombudsmanların Beynəlxalq Bakı Forumu iştirakçılarının Ağdam şəhərinə səfərini dəyərləndirən Ombudsman Səbinə Əliyeva deyib.

“Onlar burada ermənilərin Azərbaycana məxsus ekoloji və mədəniyyət nümunələrinə qarşı törətdikləri ekosid, kultrosid və digər cinayətlərin ağır nəticələrini canlı müşahidə ediblər.

Müşahidənin yekununda biz gözləyirik ki, təmsil olunan ölkələrdə insan hüquqları üzrə müvəkkillər Azərbaycan həqiqətlərini dünya ictimaiyyətinə çatdırılmasında öz səylərini əsirgəməyəcəklər. Bu cinayətləri törətmiş şəxslərin cinayət məsuliyyətinə cəlb olunması tərəfimizdən aparılan işlərin prioritetidir”, – deyə o diqqətə çatdırıb.