Overçuk nəqliyyat əlaqələrinin açılmasından danışdı

“Ermənistanla Azərbaycan arasında nəqliyyat əlaqələrinin açılmasına çalışırıq. Moskva bu məqsədlə, demək olar, hər gün İrəvan və Bakı ilə əlaqə saxlayır”.

Bunu Rusiya Baş nazirinin müavini Aleksey Overçuk Sankt-Peterburq Beynəlxalq İqtisadi Forumu çərçivəsində jurnalistlərə açıqlamasında deyib. Onun sözlərinə görə, Rusiya danışıqlarda iştirak edir və məsələnin həlli üçün təkliflər irəli sürür.

“Biz Azərbaycan və Ermənistanın Baş nazir müavinləri arasında əlaqəni təmin edirik”, – deyən A.Overçuk nəqliyyat kommunikasiyalarının nə vaxt açılacağı barədə suala konkret cavab verməyib. O, bu istiqamətdə əhəmiyyətli irəliləyişin əldə olunduğunu qeyd edib.