Paşinyan çıxılmaz vəziyyətə düşdü | Ermənistanın Baş naziri Rusiyaya gedəcək?

Azərbaycan Prezidenti İlham Əliyevin fövqəldövlətlərlə, Çin və digər liderlərlə fəal şəkildə görüşüb ölkəsinin maraqlarını həyata keçirdiyi bir vaxtda Ermənistan Baş naziri Nikol Paşinyanın səfərləri və görüşləri çaşqınlıq yaradır.

Bu barədə “Past” qəzeti yazır.

Erməni nəşri Baş nazirin Estoniyaya səfərinə diqqət çəkib:

“İlk baxışdan elə görünə bilər ki, bizim həmin ölkəyə münasibətimizi nəzərə alsaq, Estoniyaya səfər o qədər də ciddi deyil. Amma məsələ burasındadır ki, bu gün Avropa İttifaqının (Aİ) xarici siyasət xidmətinin rəhbəri Estoniyanın keçmiş baş naziri, Aİ-nin idarəetmə sistemində kifayət qədər ciddi mövqe tutan Kaya Kallasdır.

Məhz K.Kallas Ermənistan və digər ölkələrdən mayın 9-da İkinci Dünya müharibəsində qələbə ilə əlaqədar keçiriləcək paradda iştirak etmək üçün Moskvaya getməməyi tələb edib.

Aİ hələ də N.Paşinyanın Moskvadakı paradda iştirak etməməsini tələb etməkdə davam edir. N.Paşinyan da gələcək addımlarını öyrənmək üçün Estoniyaya gedib.

N.Paşinyan əvvəllər Rusiyaya gedəcəyini təsdiqləsə də, ötən gün yola düşməzdən əvvəl mayda Moskvada (Azərbaycanla) sülh müqaviləsinin imzalana biləcəyi ilə bağlı yayılan xəbərlərə münasibət bildirməkdən imtina edib. O, qələbənin 80 illiyi ilə bağlı tədbirlərdə iştirak etmək üçün Moskvaya gedib-getməyəcəyini də söyləməkdən imtina edib.

Bütün bunlar sübut edir ki, N.Paşinyan hələ də çıxılmaz vəziyyətdədir və avropalı tərəfdaşlarını Moskvaya getməkdən imtina edə bilməyəcəyinə inandırmalıdır. Macarıstan və Slovakiyanın baş nazirlərini cilovlaya bilməyən Avropa İttifaqı bütün qəzəbini üzvlüyə namizəd kimi irəli sürülən Ermənistanın üzərinə tökəcək”.