Paşinyan çıxışında Zəngəzur dəhlizi ilə bağlı nələrdən danışdı? | Detallar açıqlandı

“Dünyanın kəsişməsi cənubu şimalla, qərbi şərqlə birləşdirməyə imkan verəcək. Bu təşəbbüs ərazi bütövlüyü kimi prinsiplərə əsaslanıb”.

Bu sözləri Ermənistanın Baş naziri Nikol Paşinyan İrəvanda çıxışı zamanı bildirib.

Onun “dünyanın kəsişməsi” adlandırdığı isə Azərbaycanın təqdim etdiyi Zəngəzur dəhlizi layihəsidir.

Paşinyan sərhədlərin açılması məsələsinə toxunaraq bildirib ki, Azərbaycanın qərb rayonları ilə Naxçıvan arasında quru əlaqələrinin bərpası ilə bağlı danışıqlar gedir:

“Bəzi beynəlxalq tərəfdaşlarda elə təəssürat yaranıb ki, sanki Ermənistan kommunikasiyaların açılmasına hazır deyil. Amma bu, belə deyil, hətta biz Azərbaycandan tranzit fürsətlərinin yaradılmasını gözləyirik”.

Ermənistanın Baş naziri Azərbaycan və Türkiyə ilə sərhədlərin açılması ilə ölkə iqtisadiyyatının inkişaf edəcəyinə inanır. Halbuki Ermənistan işğalçılıq siyasətindən vaxtında əl çəksəydi, uzun illər blokodada qalmazdı.