Paşinyan qonşuları ilə normal münasibət qurmaq istəyir

“Rəsmi İrəvan Azərbaycanın ərazi bütövlüyünü tam şəkildə tanıyır”.

Bu barədə Ermənistanın Baş naziri Nikol Paşinyan aprelin 18-də parlamentdəki çıxışı zamanı bildirib.

“Qonşuluq münasibətinə gəldikdə isə onu deyə bilərəm ki, biz bütün qonşularla normal münasibət qurmaq istəyirik. Əgər Gürcüstan və İranla münasibətlərdə mövzu əməkdaşlığın dərinləşdirilməsidirsə, Türkiyə və Azərbaycanla münasibətlərdə söhbət təmasların normallaşmasından gedir. Ermənistanla Türkiyə arasında normal münasibətlər qurmaq üçün böyük imkan var. Ermənistan Türkiyədə baş verən fəlakətə yardım əli uzatdı. Bununla da diplomatiyadan kənar və qeyri-siyasi faktorlar – insani dəyərlər artdı”, – deyə o qeyd edib.

N.Paşinyan əlavə edib ki, Türkiyə rəsmi İrəvanın səmimiyyətinə inanıb və Marqara körpüsünü Ermənistan malları üçün açıb. Erməni Baş nazir ümid edir ki, yaxın gələcəkdə Ermənistan-Türkiyə sərhədi açılacaq.