Paşinyan sərhəd xəttindən danışdı
Ermənistanın Baş naziri Nikol Paşinyan bildirib ki, ölkəsindən Azərbaycanın Qarabağ iqtisadi rayonuna gedən yolun marşrutu dəyişdiriləcək.
“Ermənistanda Laçın yoluna birləşən yol tam hazır olmadığı üçün əvvəlcə Gorunzur körpüsü ilə Ermənistana daxil olan, sonra Azərbaycan ərazisindən, sonra isə yenidən Ermənistan ərazisindən keçən müvəqqəti marşrutdan istifadə edilib. Hazırkı razılaşmaya görə bu marşrut 2023-cü il aprelin 1-dək fəaliyyət göstərməli idi”, - deyə N.Paşinyan bildirib.
Onun sözlərinə görə, martın 29-da Ermənistan Azərbaycana məlumat verib ki, Gorunzur körpüsündən sonra yol yalnız Ermənistan ərazisindən keçəcək və sərhəd qoşunları Ermənistan sərhədinin mühafizəsini öz üzərinə götürəcək.
“Ermənistan mövqelərində heç bir dəyişiklik olmayıb. Yeganə dəyişiklik sərhəd mühafizəsinin Ermənistan Ordusundan sərhədçilərə verilməsidir. İrəvan eyni dəyişikliyi Azərbaycan tərəfinə də təklif edib”, - deyə o əlavə edib.