Paşinyandan məğlubiyyət etirafı

Fevralın 23-də Haaqa Məhkəməsində ermənilərin irəli sürdüyü bir sıra iddialar rədd edilib.

Ermənistan hökumətinin iclasında bununla bağlı danışan Baş nazir Nikol Paşinyan bildirib ki, Qarabağa təbii qaz və elektrik enerjisinin verilməməsi ilə bağlı qaldırılan iddia sübuta yetirilməyib. “Həqiqətən də bununla bağlı əlimizdə konkret faktlar yoxdur”, - deyə Paşinyan etiraf edib.

Qeyd edək ki, Ermənistan Qarabağın qaz və elektrik enerjisi, həmçinin fiberoptik internet təchizatı ilə bağlı qəsdən, qərəzli şəkildə hansısa müdaxilə edildiyinə dair iddia irəli sürüb. Bu barədə Azərbaycan xarici işlər nazirinin müavini Elnur Məmmədov məlumat verib. Bildirib ki, Ermənistan bu məsələləri 2021-ci ilin martından mütəmadi şəkildə qaldırıb. Azərbaycan da davamlı şəkildə öz əsaslı mövqeyini ortaya qoyub.