Paşinyandan Qarabağla bağlı çağırış | “Bu halda rəhbərlik edəcəyəm”

Ermənistanın Baş naziri Nikol Paşinyan xalqa müraciətində ABŞ-də imzalanan sənədlərin Ermənistan-Azərbaycan münasibətlərində dönüş nöqtəsi olduğunu deyib. ,

“Artıq Cənubi Qafqazda tamamilə yeni reallıq yaranıb. Qisas və düşmənçilik arxada qalmalıdır. Mən demişdim ki, Qarabağ münaqişəsini davam etdirməmək məntiqi ilə Ermənistana rəhbərlik edəcəyəm və xalq bu məntiqlə razılaşmırsa, qoy inqilab etsin. Amma siz mənə qarşı çıxmadınız, çünki siz də Qarabağ məsələsi həll olunmasa, sülhün olmayacağını anladınız. Bəzi qüvvələr Qarabağ məsələsindən sadəcə olaraq Ermənistanda öz problemlərinin həlli üçün alət kimi istifadə ediblər”, ‒ deyə Paşinyan vurğulayıb.

O həmçinin qeyd edib ki, Qarabağı tərk etmiş erməniəsilli şəxslərin Azərbaycana qayıdışı mümkün deyil və bu, sülh üçün təhlükə yarada bilər.

Ermənistan beynəlxalq ictimaiyyətlə birlikdə onların ölkəmizdə yaşaması və inteqrasiyası üçün şərait yaratmalıdır.