Paşinyandan Rusiyaya qarşı açıqlama

“Ermənistan Rusiyanın Ukraynada müharibə aparmasından narahatdır”.

Bunu Ermənistan Baş naziri Nikol Paşinyan mayın 4-də Çexiyaya səfəri zamanı ölkənin “CNN.Prima News” telekanalına müsahibəsində deyib.

“Siz bizim Rusiyanın müttəfiqi olduğumuzu dediniz. Əlbəttə, bu daha əvvəl heç vaxt açıq şəkildə deyilməyib, amma biz Ukraynadakı müharibədə Rusiyanın müttəfiqi deyilik. Biz Rusiya-Ukrayna müharibəsinə görə çox narahatıq, çünki bu müharibə Ermənistanın digər ölkələrlə əlaqələrinə birbaşa təsir edir”, – deyən Baş nazir əlavə edib ki, indiki vəziyyətdə Ermənistan heç kimin müttəfiqi deyil. N.Paşinyan qeyd edib ki, Ermənistan dünyanın daha geniş regionlarında olan yükləri çiyninə götürə bilməz, çünki özünün kifayət qədər problemi var.

“Təəssüf ki, bizim narahatlıqlarımız özümüzə kifayət edir və biz öz gündəliyimizdəki problemlərin həllinə çalışırıq ki, gördüyünüz kimi bu, həmişə uğurlu olmur”, – deyə Ermənistanın Baş naziri vurğulayıb.