Paşinyanın güvəndiyi bu ölkə onu keşişlərlə "vurur"? | Markovdan sensasiyalı sözlər

Artıq uzun müddətdir ki, Erməni Apostol Kilsəsinin Tavuş yeparxiyasının rəhbəri Baqrat Qalstanyanın başçılığı altında ölkənin Baş naziri Nikol Paşinyanın istefası tələbi ilə etiraz aksiyaları keçirilir.

Başı daha vacib məsələlərə qarışan N.Paşinyan isə mayın 22-si parlamentdəki çıxışı zamanı keşişin qurduğu ssenarini ifşa edib. O, tarixən erməni din xadimlərinin xarici ölkələrdə təhsil aldığını, Ermənistana qayıtdıqdan sonra isə agentlərə çevrildiklərini və bu ənənənin indi də dəyişməz olaraq qaldığını deyib.

Bəs görəsən, N.Paşinyanın bəhs etdiyi agentlər harada təhsil alırlar, ümumiyyətlə, keşişlərin agentə çevrilmə ehtimalı nə dərəcədə doğrudur?

Erməni jurnalist Roman Baqdasaryan Baku TV-yə açıqlamasında bildirib ki, Ermənistanın Baş naziri Nikol Paşinyan haqlıdır, kilsə rəhbərliyi Rusiyaya işləyir:

“Onlar Rusiyanın Federal Təhlükəsizlik Xidmətinin agentləridirlər. Məndə olan məlumata görə, 1984-cü ildə Almaniyanın Hamburq şəhərində bütün ermənilərin katolikosu bir neçə ay Rusiyanın Hamburqdakı Baş Konsulluğunun zirzəmisində saxlanılıb. Rusiyaya məlumatlar ötürmək razılaşması əldə edildikdən sonra onu azadlığa buraxıblar. Bütün ermənilərin katolikosu II Qareginin Moskva üçün çalışdığı şübhəsizdir. Rusiya Ermənistan dövlətçiliyini zəiflətmək üçün Erməni Apostol Kilsəsinin liderlərindən istifadə edir”.