Prezident: Biz 44 gün ərzində ancaq irəli gedirdik
“Biz 44 gün ərzində ancaq irəli gedirdik, bir gün belə geri addım atmadıq. Bu müddət ərzində döyüş meydanında Azərbaycan xalqının gücünü və yüksək mənəvi keyfiyyətlərini göstərdik”.
Bu sözləri martın 18-də Prezident İlham Əliyev Novruz bayramı münasibətilə Tərtər rayonunun Talış kəndində Azərbaycan xalqına müraciətində söyləyib.
“Bizim ordumuzdan bir nəfər də olsun qaçan olmadı. Son məlumata görə, Ermənistan ordusunda 11 min fərari olub. Bunu onlar yaddan çıxarmasınlar və yaddan çıxarsalar, biz onların yadına salacağıq. İkinci Qarabağ müharibəsinin nəticələrini heç kim yaddan çıxarmasın. Yeni reallıqları hər kəs qəbul etməlidir. Bizim torpaqlarımızın 30 il ərzində işğal altında olmasını heç kim yaddan çıxarmamalıdır və gələcək sülh müqaviləsi üçün bu önəmli amillər hər kəsin beynində olmalıdır”, - deyə dövlət başçısı qeyd edib.