Prezident: Ermənistan rəsmən Qarabağı Azərbaycan ərazisi kimi tanımalıdır

“Ermənistanın 29 min km2 ərazidə rahat yaşaması üçün bir şərt var – bizim şərtlərimizi qəbul etməlidir”.

Bu sözləri martın 18-də Prezident İlham Əliyev Novruz bayramı münasibətilə Tərtər rayonunun Talış kəndində Azərbaycan xalqına müraciətində söyləyib.

“Ermənistan rəsmən Qarabağı Azərbaycan ərazisi kimi tanımalıdır, bizimlə sülh müqaviləsi imzalamalıdır, bizim şərtlərə əsasən delimitasiya işlərini aparmalıdır. Ancaq o təqdirdə onlar 29 min kvadratkilometr ərazidə rahat yaşaya bilərlər”, - deyə dövlət başçısı vurğulayıb.

Prezident qeyd edib ki, əgər Ermənistan bizim ərazi bütövlüyümüzü tanımasa, biz də onların ərazi bütövlüyünü tanımayacağıq.