Prezidentdən Zəngəzurla bağlı sərt mesaj

“Zəngəzur dəhlizi açılmalıdır və açılacaq. Ermənistan bunu nə qədər tez başa düşsə, o qədər yaxşıdır”.

Bunu Prezident İlham Əliyev yanvarın 7-də yerli televiziya kanallarına müsahibəsində deyib.

“Belə vəziyyətdə qala bilmərik. Azərbaycanın ayrılmaz hissəsi olan Naxçıvana niyə müxtəlif yollarla getməliyik? Bizim birbaşa əlaqəmiz olmalıdır və bu əlaqə Ermənistanın suverenliyini şübhə altına qoymur. Sadəcə olaraq, onlar 10 noyabr Bəyanatının müddəalarını yerinə yetirməlidirlər. Orada hər şey açıq-aydın göstərilib. Biz dörd ildən çoxdur ki, səbir göstəririk, istəyirik ki, bu, danışıqlar yolu ilə həll olunsun. Biz nə qədər gözləməli olacağıq və nə üçün gözləməliyik? Yəni onlar bütün bunları nəzərə almalıdırlar. Onlar gərək bizi əsəbləşdirməsinlər və başa düşsünlər ki, burada söz sahibi bizik. Cənubi Qafqazda Azərbaycan aparıcı iqtisadiyyat, aparıcı hərbi güc və aparıcı dövlətdir. Heç kim unutmasın ki, bugünkü dünyada güc amili ön plandadır”, – Prezident qeyd edib.