Prezidentin Albaniya səfərindən maraqlı detallar: Bağlı qapılar arxasında nə qərar verildi?!

“Global Panorama” verilişinin yeni buraxılışı yayımlanıb.

Bu dəfə ötən həftə Albaniyanın paytaxtı Tiranada keçirilən “Avropa Siyasi Birliyi” 6-cı Zirvə toplantısından bəhs olunub.

Bildirilib ki, Prezident İlham Əliyevin ali qonaq statusunda qatıldığı toplantı onun bir sıra rəsmi və qeyri-rəsmi görüşləri ilə yadda qalıb. Görüşlərdə Azərbaycanın Avropa İttifaqının etibarlı tərəfdaşı olduğu, enerji təhlükəsizliyində rolu və Orta Dəhlizin inkişafındakı əhəmiyyəti vurğulanıb.

Diqqətə çatdırılıb ki, Ursula fon der Lyayen Azərbaycan və Ermənistan liderlərini sülh sazişinin mətni üzərində işlərin tamamlanması münasibətilə təbrik edib və sənədin imzalanmasını səbirsizliklə gözlədiklərini bildirib.

Zirvədə həmçinin Ukraynanın Avropa İttifaqına inteqrasiyası istiqamətində atılan addımlar və Avropa İttifaqının qərar qəbul mexanizmlərində dəyişikliklər gündəmə gətirilib. Bu isə təkcə Ukrayna üçün deyil, gələcək Avropa İttifaqı modelinin necə olacağını müəyyən edəcək kritik məsələdir.