Prezidentin köməkçisi "X" hesabından paylaşım edib

Azərbaycanda mina qurbanlarının sayı artmaqda davam edir.

Bunu Prezidentin köməkçisi Hikmət Hacıyevin “X” hesabındakı paylaşımında qeyd edib.

Diplomat işğaldan azad edilmiş Ağdam rayonunun Sarıcalı kəndi dekabrın 26-da baş verən mina partlayışına diqqət çəkib.

Paylaşımda mina qurbanlarının statistikasını əks etdirən infoqrafika da verilib. Qeyd olunub ki, İkinci Qarabağ müharibəsi başa çatdıqdan sonra Azərbaycanın 341 vətəndaşı mina qurbanı olub. Göstərilən müddət ərzində mina partlamalarından 65 nəfər ölüb, 276 nəfər isə yaralanıb.

2020-ci il noyabrın 10-dan 2023-cü il dekabrın 6-dək Azərbaycanda minalardan 50 mülki şəxs və 15 hərbçi həlak olub. Eyni zamanda, 112 mülki şəxs və 164 hərbçi yaralanıb.