Qarabağdakı sülhməramlılara təyin olunan yeni komandan kimdir?

Azərbaycanın Qarabağ bölgəsində müvəqqəti yerləşdirilən Rusiya sülhməramlılarına yeni komandan təyin olunub.

Bu barədə Rusiyanın Müdafiə Nazirliyi məlumat yayıb.

Məlumata görə, bu posta general-mayor Kirill Kulakov gətirilib. O, general-polkovnik Aleksandr Lentsovu əvəz edib.

Qeyd edək ki, 54 yaşlı Kulakov 2017-ci ilin martından Kazan Ali Hərbi Komandanlıq Məktəbinin komandiri olub. Aleksandr Lentsov isə bu ilin aprel ayında bu vəzifəyə təyin olunmuşdu. Ondan əvvəl isə sülhməramlıların komandanı Andrey Volkov idi.