Qardaş ölkənin seçki prosesini izləməyə gəlmişik | Rusiyalı müşahidəçi seçkidən danışdı
“Rusiyadan gəlmişik ki, qardaş ölkə Azərbaycanda keçirilən parlament seçkiləri ilə yaxından tanış olaq, müşahidələrimizi aparaq”.
Bu sözləri Baku TV-yə açıqlamasında 23 saylı Nəsimi-Səbail seçki dairəsinin 26 saylı seçki məntəqəsində səsvermə prosesini izləyən Rusiyadan olan xarici müşahidəçi Valeri Çaynikov deyib.
O, Azərbaycanda prezident seçkilərində olduğu kimi, parlament seçkilərində də ən yüksək səviyyədə hazırlıq görüldüyünü bildirib:
“Səhər saatlarından seçki məntəqələrində seçki prosesini izləyirik. Komissiya üzvlərinin seçkilərin keçirilməsinə necə maraqlı olduqlarının şahidi olduq. Onlar seçki prosesi ilə peşəkarcasına maraqlanırlar. Səhər saatlarında səsverməyə gələn ilk seçicinin yaşlı bir kişi olması xüsusilə diqqətimi cəlb etdi. İnsanlar dəstə ilə səsverməyə gəlirlər. Bu onun göstəricisidir ki, vətəndaşlar məsuliyyət hiss edirlər”.
![icon](/images/loading.png)