Qazaxıstan-Azərbaycan Beynəlxalq Forumu keçirildi

Qazaxıstanın Almatı şəhərində Azərbaycanın ümummilli lideri Heydər Əliyevin anadan olmasının 102-ci ildönümünə həsr olunmuş “Qazaxıstan-Azərbaycan Beynəlxalq Forumu – Qərbi Azərbaycana Qayıdış Çağırışları” adlı tədbir keçirilib.

Tədbirin açılışında çıxış edən səfirliyin nümayəndəsi Anar Hüseynzadə Qazaxıstanın Vətən müharibəsi dövründə nümayiş etdirdiyi mövqedən danışaraq rəsmi Astananın Azərbaycanın ərazi bütövlüyünə göstərdiyi dəstəyin yüksək qiymətləndirildiyini vurğulayıb.

Layihə rəhbəri, Azərbaycan Mətbuat Şurası İdarə Heyətinin üzvü Aqil Ələsgər çıxışında Qərbi Azərbaycana dönüşün Qarabağa dönüş kimi reallaşacağına inamını ifadə edib.

Forum çərçivəsində ulu öndər Heydər Əliyevin anadan olmasının 102-ci ildönümünə həsr olunmuş sərgi də təşkil olunub.

Tədbirin sonunda yekun bəyanat qəbul edilib və xatirə şəkli çəkdirilib.