Qərbi Azərbaycan İcmasından Samanta Pauerə sərt cavab

“Son vaxtlar ABŞ Azərbaycana qarşı səlib yürüşünə çıxıb. Bu dəfə ermənidən çox erməni olması ilə bütün dünyada məşhur olan Samanta Pauer xüsusi “canfəşanlıq” göstərib”.

Bu barədə Qərbi Azərbaycan İcmasının yaydığı bəyanatda deyilir.

“Yerli amerikanları kütləvi surətdə qıran, lakin buna görə heç utanmayan bir ölkənin rəsmisinin indi gəlib Azərbaycanı “məcburi köçürülmə”də ittiham etməsi ikrah doğurur. “ABŞ Qarabağdan olan etnik ermənilərlədir”, – deyən S.Pauerdən soruşuruq: bəs Ermənistandan deportasiya edilmiş azərbaycanlılarla nə vaxt bir yerdə olacaqsınız?! 4 min azərbaycanlı itkin düşmüş şəxsin taleyi ilə bağlı nə vaxt narahatlığınızı bildirəcəksiniz?! Azərbaycandakı mina qurbanları ilə nə vaxt həmrəylik ifadə edəcəksiniz?!

Aydındır, səlibçi mentalitetinizə görə bunu heç vaxt etməyəcəksiniz. Buna görə də, sizin və rəhbərlik etdiyiniz, adında “yardım” sözü olan, amma müxtəlif ölkələrdə dağıdıcı fəaliyyətlə məşğul olan USAID adlanan təşkilatın mühazirələrinə ehtiyacımız yoxdur”, – bəyanatda bildirilir.