Rusiya sülhməramlıları Ermənistanda qalacaq? - Qriqoryan açıqladı

“Qarabağdan çıxarılan Rusiya sülhməramlıları Gorus və Qarakilsədəki müvəqqəti dislokasiya məntəqələrinə istiqamətləndirilirlər”.

Bunu Ermənistan Təhlükəsizlik Şurasının katibi Armen Qriqoryan yerli mətbuata müsahibəsində bildirib.

“Ermənistan hökuməti vaxtilə Rusiyanın sülhməramlı birləşmələri Qarabağa gəldikdə onlar üçün müvəqqəti yerləşdirmə məntəqələri ayırıb. İndi Qarabağdan çıxan sülhməramlılar həmin məntəqələrə qayıdıblar. Rusiya sülhməramlı qoşunları Qarabağı tərk edir. Təbii ki, onlar Ermənistanda da qala bilməzlər. Odur ki, hazırda həmin məntəqələrin bağlanması üzrə iş gedir. Sülhməramlıların bir qismi məhz bu məntəqələrin sökülməsi üçün ora qayıdıblar”, – deyə A.Qriqoryan qeyd edib.