Rusiya XİN-dən COP29 tədbiri barədə diqqətçəkən açıqlamalar

“Bakıda noyabrın 11-dən keçirilən BMT-nin İqlim Dəyişikliyi üzrə Çərçivə Konvensiyasının Tərəflər Konfransının 29-cu sessiyası mükəmməl təşkil olunub”.

Bunu Rusiya Xarici İşlər Nazirliyinin rəsmi nümayəndəsi Mariya Zaxarova deyib.

O bildirib ki, Rusiyanın COP29-da geniş təmsil olunması ölkələrinin iqlim dəyişikliyi ilə mübarizədə səylərin birləşdirilməsinin tərəfdarı olduğunu bir daha sübut edir:

“Rusiyanın nümayəndə heyəti Bakıda yüksək səviyyədə qəbul olunub. Baş nazir Mixail Mişustin Bakıda COP29 Liderlər Sammitində çıxış edib, Azərbaycan Prezidenti onu qəbul edib. M.Mişustin azərbaycanlı həmkarı ilə də görüşüb.

Əminik ki, COP29-un Azərbaycanda keçirilməsi Bakının beynəlxalq arenada nüfuzunu daha da artıracaq. Tədbirdə artıq müəyyən nəticələr, uğurlar əldə olunub. Biz iqlim istiqamətində Azərbaycan və bütün digər maraqlı ölkələrlə əməkdaşlığı möhkəmləndirməyi davam etdirməyi hədəfləyirik”.