Rusiyanın Ukraynaya hərbi müdaxiləsi... | Bakıda müzakirə edilən qlobal məsələlər

“Dünya miqyasında istənilən problem ağırlıq dərəcəsindən asılı olmayaraq yalnız danışıqlar və müzakirələr yolu ilə həll edilməlidir. Rusiyanın Ukraynaya hərbi müdaxiləsi nəzərə alınarsa, narahatlıq doğuran mühüm qlobal problemlər yalnız dialoq formatında nəzərdən keçirilməlidir”.

Bu barədə Nizami Gəncəvi Beynəlxalq Mərkəzinin İdarə Heyətinin həmsədri Vayra Vike-Freyberqa martın 12-də keçirilən mətbuat konfransında bildirib.

O qeyd edib ki, bu gün dünya miqyasında ölkələr arasındakı gərginliklər böyük narahatlıq doğurur:

“Belə bir şəraitdə münaqişə tərəfləri olan ölkələrin atəşkəsə nail olması çox önəm daşıyır. Biz dünya miqyasında dramatik dəyişikliklərin şahidi oluruq. Rusiyanın Ukraynaya hərbi müdaxiləsi kimi mürəkkəb şəraitdə qlobal səviyyədə narahatlıq doğuran məsələlərin iştirakçı ölkələr arasında müzakirəsi çox böyük əhəmiyyət daşıyır”.