XII Qlobal Bakı Forumunda müzakirə ediləcək vacib məsələ açıqlandı

“Bakıda keçirilən COP29 çərçivəsində iqlim maliyyəsinin 300 milyard dollara çatdırılması istiqamətində mühüm irəliləyiş əldə edilib. Demək istəyirəm ki, “Bakı-Belen yol xəritəsi” Qlobal Forumun müzakirə mövzularından biri olacaq”.

Bu barədə Nizami Gəncəvi Beynəlxalq Mərkəzinin İdarə Heyətinin üzvü Cin Baderşnayder martın 12-də keçirilən mətbuat konfransında bildirib.

O vurğulayıb ki, bu məsələ çox mühümdür:

“Ona görə ki, Bakıda keçirilən COP29 çərçivəsində həmin yol xəritəsi geniş müzakirə edilib. İqlim maliyyəsinin həcmi 1,3 trilyon dollar olmalı idi. Ən azından hər kəs belə düşünürdü. Vəziyyət o yerə çatdı ki, tərəflər bu məsələyə dair birgə fəaliyyət planını razılaşdırdılar. Bu, iqlim maliyyəsi üzrə ən mükəmməl plandır. 2025-ci il çox mühüm dövrdür. Cari ildə maliyyənin həcmi razılaşdırılarsa, bu rəqəm 3 trilyon dollar təşkil edəcək. Hazırda əsas məsələ bu hədəfin reallaşdırılmasından ibarətdir”.