Sahibə Qafarovanın ATƏT nümayəndələrinə müraciəti

“Azərbaycanda Milli Məclis və ATƏT PA tərəfindən təşkil edilən konfrans iştirakçılarının sabah Zəngilana səfərinin həyata keçirilməməsi ilə bağlı Ermənistan nümayəndə heyəti konfrans iştirakçılarına məktub göndərib” .

Bunu Milli Məclisin sədri Sahibə Qafarova “Yaşıl iqtisadiyyat, nəqliyyat əlaqələndirilməsi və dayanıqlı inkişaf vasitəsilə təhlükəsizlik və sabitliyin təşviqində milli parlamentlərin rolu” mövzusunda keçirilən konfransda çıxışı zamanı deyib.

“Zəngilana səfər edib-etməmək sizin öz seçiminizdir. Ancaq nəzərə alın ki, siz ora getsəniz, ermənilərin Azərbaycan ərazilərində törətdiyi dağıntıları öz gözlərinizlə görəcəksiniz. Eyni zamanda Azərbaycanın qısa müddətdə həmin ərazilərdə həyata keçirdiyi bərpa və quruculuq işlərini öz gözlərinizlə görəcəksiniz ”, – deyə S.Qafarova əlavə edib.