Selçuk Bayraktar və Türkiyə rəsmiləri Azərbaycanı təbrik etdi

“Baykar” şirkətinin texniki direktoru Selçuk Bayraktar 15 İyun – Milli Qurtuluş Günü münasibətilə Azərbaycanı təbrik edib. O, bu barədə “Twitter”də yazıb.

S.Bayraktar Xalq şairimiz Bəxtiyar Vahabzadənin “Azərbaycan-Türkiyə” şeirindən sitat gətirib. “Can Azərbaycanın 15 İyun – Milli Qurtuluş Gününü təbrik edirəm”, – deyə paylaşımda qeyd edilib.

Türkiyənin Ədalət və İnkişaf Partiyası sədrinin birinci müavini Binəli Yıldırım da Milli Qurtuluş Günü münasibətilə Azərbaycanı təbrik edib. “Can Azərbaycanın Milli Qurtuluş Günü mübarək olsun”, – deyə Binəli Yıldırım “Twitter”dəki paylaşımında yazıb.

Xalqımızı təbrik edənlər arasında Türkiyə səfiri Cahit Bağçı da var. “Qardaş Azərbaycanın 15 İyun – Milli Qurtuluş Günü mübarək olsun”, – deyə səfirin təbrik paylaşımında bildirilib.

Həmçinin Türkiyə Milli Müdafiə Nazirliyinin “Twitter” səhifəsində 15 İyun – Milli Qurtuluş Günü münasibətilə təbrik mesajı paylaşılıb.

“Bir millət, iki dövlət! Hər zaman birlikdə olduğumuz, qardaşlıq ruhu ilə tək ürək, tək yumruq olduğumuz Can Azərbaycanın Milli Qurtuluş Günü mübarək olsun. Azərbaycanlı qardaşlarımızı salamlayır, “Yaşasın Azərbaycan” deyirik”, – Nazirliyin paylaşımında belə deyilir.

Şimali Kipr də 15 İyun - Milli Qurtuluş Günü münasibətilə Azərbaycanı təbrik edib. “Milli Qurtuluş Gününü ən səmimi arzularımızla təbrik edir, dost və qardaş Azərbaycan xalqına rifah arzulayırıq”, – deyə Şimali Kiprin XİN-in paylaşımında qeyd edilib.