Siyasət
Pleyeri seçin:
Separatçıların daha bir üzvü Mnatsakanyan saxlanıldı
Sentyabrın 29-da “Laçın” dövlət sərhəd-buraxılış məntəqəsində Dövlət Sərhəd Xidmətinin əməkdaşlarının sayıqlığı nəticəsində Azərbaycan ərazisinə qeyri-qanuni gələrək 2015-2018-ci illərdə qondarma “Dağlıq Qarabağ Respublikasının müdafiə naziri” vəzifəsində çalışan 58 yaşlı Lyova Henrixi Mnatsakanyan Azərbaycandan Ermənistan istiqamətində hərəkət etməyə cəhd göstərərkən saxlanılıb.
Bu barədə Dövlət Sərhəd Xidmətindən məlumat verilib.
“Saxlanılan şəxs Dövlət Sərhəd Xidmətinin Çevik Hərəkət Qüvvələri əməkdaşlarının müşayiəti ilə Bakı şəhərinə gətirilib və barəsində müvafiq qərar qəbul edilməsi üçün aidiyyəti dövlət orqanlarına təhvil verilib”, – deyə məlumatda bildirilib.
Kopyalandı
Seçilmişlər
