Separatçıların nümayəndəsi sülhməramlıların önündə pərt oldu

Xankəndidəki separatçıların nümayəndəsi Artur Osipyan avqustun 15-i gecədən başlayaraq Rusiya sülhməramlı kontingentinin Xocalı aeroportu yaxınlığında müvəqqəti yerləşdirilən hərbi bazası önündə göstərdiyi şou ilə onları təxribata çəkməyə çalışıb.

O, sülhməramlıları onun uydurma blokadaya qarşı keçirmək istədiyi aksiyanı müşayiət etməkdən boyun qaçırmaqda günahlandırır.

Osipyan yanında özü kimi 2-3 nəfəri də apararaq sülhməramlıların yolunu bağlayıb və Rusiya Prezidenti Vladimir Putinin ünvanına tənqidlər səsləndirib.

Daha sonra pərt olan Osipyan gecəni hərbi bazanın önündə keçirib və avtomobili ilə giriş-çıxış yolunu saxlayıb. Rusiyalı sülhməramlılar ondan avtomobili çəkməyi tələb etsələr də, Osipyan buna əməl etməyib. Nəticədə sülhməramlılar özləri avtomobili yoldan kənarlaşdırıblar.

Qeyd edək ki, Rusiyanın Qarabağdakı sülhməramlı kontingentinin komandanlığı təxribatla məşğul olan bir qrup erməni azlığın Azərbaycan-Ermənistan sərhədinə doğru yürüşünü müşayiət etmək çağırışına rədd cavabı verib.