Separatçıların yeni "Artsax" planı: 2 yeni plan ifşa olundu

Qarabağdan Ermənistana qaçan separatçılar Azərbaycana qarşı yeni planlarını işə salmağa hazırlaşır.

Ermənistan mediası bunu “ikinci plan” adlandırır. Birinci plan olaraq erməni kilsəsinin qondarma “Artsax yeparxiyasını” ləğv etməməsi, fəaliyyətini dəstəkləməsi göstərilir.

“Hraparak” nəşri yazır ki, ikinci addımı separatçıların qondarma parlamenti atacaq.

“Bu həftə iclas keçiriləcək. İlk dəfə qondarma deputatlar bir araya toplaşacaq. Artıq onlar Paşinyan hakimiyyətinə tabe olmaq istəmirlər və “Artsax” məsələsini bağlamaq niyyətində deyillər”, – nəşr yazır.

Məlumata görə, qondarma deputatlar Azərbaycana qarşı separatizmin davam etdirilməsini müzakirə edəcək.

Qeyd edək ki, erməni separatçıların bu və bu kimi addımlarının praktiki olaraq Azərbaycana təhlükə yaratmaq imkanı yoxdur, hərçənd, separatizmin davam etdirilməsi Azərbaycan və Ermənistan arasında sülh sazişini ləngidə bilər. Separatçılar aktivləşməklə Ermənistanda mövcudluqlarını qorumağa çalışırlar.