Serbiyalı spiker: Parlamentariya tarixi Heydər Əliyevin adı ilə bağlıdır

“Ərazi bütövlüyünün qorunması və suverenliyin təmin edilməsi ilə bağlı Serbiya və Azərbaycan eyni mövqeyə malikdir”.

Bunu Serbiya Milli Assambleyanın Sədri Vladimir Orliç Milli Məclisin ulu öndər Heydər Əliyevin anadan olmasının 100-cü ildönümünə həsr olunmuş xüsusi iclasda deyib.

“Biz beynəlxalq hüququn prinsiplərinə əməl edirik. Azərbaycanda parlamentarizm tarixi də Heydər Əliyevin adı ilə bağlıdır. Bu zalda o, Milli Məclisin üzvləri qarşısında çıxış edib. Bununla da müasir parlamentin yaradılmasına öz töhfəsini verib. Heydər Əliyev qısa müddətdə qanunvericilik qurumuna yeni siyasi mədəniyyət ruhu gətirə bilmişdi”, – deyə V.Orliç əlavə edib.