Sülh sənədinin mətnində müəyyən suallar var | Hikmət Hacıyev TASS-a danışdı

“Azərbaycan və Ermənistan gələn ay sülh müqaviləsinin mətninin müzakirəsinə qayıdacaqlar”.

Bu barədə TASS-a Prezidentin köməkçisi Hikmət Hacıyev bildirib.

“Hazırda Azərbaycanın gündəmindəki əsas mövzu noyabrın sonuna qədər COP29-dur. Şübhəsiz ki, dekabr ayından başlayaraq Ermənistan və Azərbaycan arasındakı sülh müqaviləsinin mətninin müzakirəsi və danışıqların davam etdirilməsi ilə bağlı yeni proses başlayacaq”, – deyə o bəyan edib.

Hikmət Hacıyevin sözlərinə görə, sənədin mətnində müəyyən suallar var.

“Ekspertlər səviyyəsində müzakirələr və danışıqlar davam edir. Ermənistan tərəfi sülh müqaviləsinin mətni ilə bağlı təkliflərimizə vaxtında cavab verməyib və bu kontekstdə prosesdə yubanmalar var. Bu çərçivədə şübhəsiz ki, dekabr ayından etibarən yeni bir proses olacaq”, – deyə Azərbaycan Prezidentinin köməkçisi əlavə edib.