Şvabedən Azərbaycana qarşı yersiz çıxışlar | Açıq-aşkar bizə düşməndir

Azərbaycanda beynəlxalq əhəmiyyətli tədbirlərin keçirilməsi ərəfəsində almaniyalı deputat Frank Şvabenin timsalında Qərb dairələrinin üzərimizə “Səlib yürüşü” təşkil etdiyini açıq-aydın görürük.

Vaxtilə Səlibçilik kampaniyalarında dini liderlər səfərə çıxanlara yer üzündə “ikinci cənnəti” özünüzə tabe etmək üçün bu yoldasınız deyirdilər. Papalığın işğal olunacaq torpaqlara “ikinci cənnət” adını verməsi isə onların həm də məhsuldarlığına görə idi.

Yəni bir tikə çörəkdən ötrü bir-birini didib, parçalayan xaçlılar qəzəbini günahsız insanların üzərində soyudaraq çörək tapırdı. Eyni kampaniya Qərb tərəfindən bu gün Azərbaycana qarşı aparılır. Frank Şvabenin çörəyini isə erməni lobbisi verir. F.Şvabe də bunu fürsət bilib, ölkəmizə qarşı yersiz ittihamlarla çıxış edir.

Millət Vəkili Fazil Mustafanın sözlərinə görə, Frank Şvabenin açıq-aşkar Azərbaycan düşmənçiliyi ortaya qoymasının əsas səbəblərindən biri həm də Ermənistana bu formada dəstək vermək mahiyyəti daşıyır:

“Dövlət olaraq deyiləcək söz yoxdur, Azərbaycan ərazi bütövlüyünü bərpa edib. Amma ayrı-ayrı şəxslər vasitəsilə bütün platformalarda ölkəmizə maneçilik yaratmaq tapşırığı alan bu şəxslər belə addımları vaxtaşırı atacaqlar və biz də buna müəyyən dərəcədə hazır olmalıyıq”.