Tramp Bakı və İrəvanla hansı sahələrdə sazişlər bağlayacaq? | "Reuters" mühüm məlumat yaydı

Azərbaycan və Ermənistan avqustun 8-də onilliklər boyu davam edən münaqişədən sonra iki ölkə arasında iqtisadi əlaqələri gücləndirmək üçün ilkin sülh sazişi imzalayacaqlar.

“Reuters” Ağ Evə istinadən məlumat yayıb ki, Donald Tramp hər iki xalqın liderlərini Ağ Evdə imzalanma mərasimində qarşılayacaq.

Qeyd olunur ki, D.Tramp həm Ermənistan, həm də Azərbaycanla enerji, texnologiya, iqtisadi əməkdaşlıq, sərhəd təhlükəsizliyi, infrastruktur və ticarətlə bağlı ayrı-ayrı sazişlər imzalayacaq. Əlavə məlumat verilməyib.

Rəsmilərdən biri bildirib ki, Azərbaycan Prezidenti İlham Əliyev və Ermənistanın Baş naziri Nikol Paşinyan danışıqlar və imzalanma mərasimi üçün ABŞ vaxtı ilə saat 14:30 radələrində Ağ Evə gəlməlidirlər.

Müqaviləyə ABŞ-nin Cənubi Qafqazdan keçən və “Beynəlxalq Sülh və Rifah üçün Tramp Marşrutu” adlandırılan strateji tranzit dəhlizinə eksklüziv inkişaf hüquqları daxildir.