TÜRKPA-nın nümayəndə heyəti müşahidələrinin nəticəsini açıqladı

“Azərbaycanda seçkilər Konstitusiyaya və Seçki Məcəlləsinə uyğun həyata keçirilib”.

Bunu Türk Dövlətləri Parlament Assambleyasının (TÜRKPA) müşahidə missiyasının rəhbəri Osman Mesten Azərbaycanda keçirilən növbədənkənar prezident seçkisi ilə bağlı müşahidələrinin nəticələrinə dair brifinqdə deyib.

“Heyətimizin bir qismi də azad edilmiş ərazilərdə – Şuşada və Xankəndidə müşahidə aparıb. TÜRKPA müşahidə missiyası olaraq Azərbaycanda keçirilən seçkilərin beynəlxalq hüququn tələbinə tam uyğun olduğunu bildiririk”, – o vurğulayıb.

Osman Mesten qeyd edib ki, seçkidə əlillərə şərait yaradılması təqdirəlayiq idi: “Seçkidə qadınlar və gənclər üstünlük təşkil edirdi. Seçkilər prosesi tam şəffaf şəkildə keçirilib”.