Vaşinqtonun göstərişi ilə hədəf oxları Azərbaycana tuşlandı | Yeni nüanslar

Ermənistanın silahlandırılması revanşizmi qızışdırır. Bu prosesdə Fransa, Hindistan xüsusi fəallıqla seçilir. Artıq yeni nüanslar üzə çıxıb.

İddia olunur ki, analoji addımı Cənubi Koreya və Yaponiyada atmağa hazırlaşır.

Siyasi elmlər doktoru, professor Elman Nəsirovun sözlərinə görə, Ermənistanı silahla təchiz edən ölkələrdən biri real olaraq Cənubi Koreyadır. Digəri isə potensial olaraq Yaponiyadır:

“Bu günləri həm rəsmi Seulun, həm də rəsmi Tokionun Ermənistanı silahlandırmaqla bağlı addımları və bu istiqamətdə görülən işlər daha çox rəsmi Vaşinqtonun drijorluğu ilə reallaşdırılan addımlardır.

Hesab edirəm ki, belə bir addımın atılması regionda təhlükəsizlik mühiti üçün çox ciddi təhdidlər yaradır. Bunu nəzərdən qaçırmaq olmaz və hadisələrin bundan sonrakı inkişafına görə bütün məsuliyyət qarşı tərəflərin üzərinə düşəcək”.