Zəngəzur dəhlizinə görə çox ciddi mübarizə gedir | İrəvan hansı yolu seçəcək?

Cənubi Qafqazda sülh və əmin-amanlığın mövcud olması Qərbə maraqlı deyil.

Elə bunun nəticəsidir ki, bölgədə savaş situasiyasının yaradılması kollektiv Qərbin maraqları çərçivəsindədir.

Ekspertlər bildirirlər ki, bəzi Qərb dövlətlərinin Cənubi Qafqaz regionunda sönməkdə olan savaş mühitini alovlandırmaqda əsas məqsədi həm də Zəngəzur dəhlizinə nəzarəti ələ keçirməyə hesablanıb.

Siyasi şərhçi Sahil Kərimli qeyd edib ki, Zəngəzur dəhlizi layihəsi üzərində çox ciddi mübarizələr gedir:

“Mən hesab edirəm ki, bu gün Qərb dairələri dəhlizin açılmasında maneçilik törətməklə Ermənistanı yeni qarşıdurmalara çəkir, bu ölkə üzərindən planlarını həyata keçirməyə çalışır. Son günlər Ermənistanın Tovuz istiqamətində və digər şərti sərhədlərimizdə hərbi təxribatlar törətməyə cəhd etməsi də bu planların tərkib hissələrindən biridir”.