Dünyanın ən sürətli interneti istifadəyə verildi

Çin saniyədə 1,2 terabit məlumat ötürmə sürətini təmin edən yeni fiber-optik internet kabelini istifadəyə verib.

Bu, bir saniyədə 150 HD filmin ötürülməsinə bərabərdir. Uzunluğu üç min km-dən çox olan kabel Çinin 3 böyük şəhərini birləşdirir: Pekin, Uhan və Quançjou.

Layihəni Çinin aparıcı təşkilatları, o cümlədən Tsinhua Universiteti, “China Mobile”, “Huawei Technologies”, “Cernet Corporation” icra edib.

Qeyd olunur ki, Çin kabeli amerikalı rəqiblərindən 10 dəfəyə qədər sürətlidir.